S'Agetivu

S'agetivu megiorat e cualìficat mègius su significu de su nùmene. 
Si nois naramus: sa domo est minore, semus inditende una calidade de sa domo; e si agiunghimus puru chi sa domo est còmoda, semus sighende a pretzisare mègius sa genia de domo.
 Sos agetivos si formant, pagu prus a mancu, comente a su nùmene, solu chi sunt prus pagu complicados e difatis si distinghent in tres categorias chi finint in u, in a e in e.


A sas primas duas apartenent sos agetivos comente a:

superbu, superba, superbos, superbas

canu, cana, canos, canas

masedu, maseda, masedos, masedas

mannu, manna, mannos, mannas.

Mentres a sa de tres categorias apartenent sos agetivos comente a: birde, birdes.



In limba sarda s'agetivu de sòlitu si ponet a pustis su nùmene chi cualìficat e duncas si narat: un'istiu caente, un'angione mascru, un'annada bona, una note manna
.

Ma a bortas si depent pònnere prima comente cando s'impreat s'agetivu grandu o bete.


Si narat difatis: una grandu persone, unu bete àrbore e gasi totu.