MÒDULOS TRASVERSALES - Pro nde ischire de prus

Sos ascusòrgios archeològicos sardos

Semper nos ant naradu chi in Sardigna bi fiant a fùrriu de 7000 nuraghes, ma depent èssere fintzas prus e custu si podet ischire cun pretzisione si cada bidda faghet unu tzensimentu cumpletu de sos nuraghes e restos de issos presentes in su territòriu.
Meda b'est de traballare galu in custu setore, meda s'est giai fatu cun istùdios, iscavos, chircas, classificatziones.
Sos nuraghes famados sunt totus de grandu interessu, ma cantos nde b'est galu de iscobèrrere? Cantos nuraghes b'ant a èssere in Sardigna mannos nche a su de Barùmini, o assimigiantes?
Cantas putzos sacros b'ant a èssere de iscoberide e de istudiare? Cantos cumplessos nuràgicos isetant galu istùdios e chircas?
De seguru medas, prus de sos chi pensamus. Sunt custos sos beros ascusòrgios de sa tzivilidade sarda chi depent èssere chircados, istudiados, documentados e contados in libros, in fotos, in DVD e in filmados.
In custu parte de s'istòria nuraghesa nde amus tzitadu pacos, ma nde b'est medas àteros chi amus a presentare in àteras òperas mancare dedicadas a custu tema e chi nos ant a agiudare a cumprèndere mègius su mundu nuraghesu e s'importàntzia chi at tentu, e tenet galu, in s'istòria de sa.