ARCHITETURA ROMÀNICA
S’arte romànica
In sa Sardigna s'influèntzia de s'arte romànica, chi s'isvilupaiat in totu s'Europa in sos sèculos tra X-XIII, si manifestaiat cun sas rapresentatziones de caràteres unitàrios: su sensu de drammatizare su reale, s'espressione simbòlica, sa cumpetèntzia de sas tècnicas e de su materiale, su prus in perda, trachite e basaltu e cun s'agiunta de màrmaros o granitos, chi prove-niant dae sos tèmpios o domos o fràigas de s'antighidade romana, chi s'agataiant in s'ìsula.
S’isvilupu urbanìsticu-architetònicu romànicu in Sardigna
S'isvilupu urbanìsticu-architetònicu in su perìodu romànicu si caraterizaiat mescamente in s'aspetu de protetzione de sas tzitades e de sas populatziones.
Pro cantu riguardaiat sas tzitades fiant istadas inghiriadas dae muros artos cun turres e bastiones.
