Sa Corona de Logu

p1sez2 J01

Cando bi fiat de pigare sèberos mannos e de importu su giùdiche riuniat sa Corona de Logu, chi diat èssere totu sa populatzione de persones lìeras de su Logu  chi si bidiant in sa crèsia prus manna.
Sa Corona de logu de Aristanis, pro nàrrere, riuniat in sa crèsia de Santu Franchiscu o in sa crèsia de Santa Maria. Bi sunt testimonias de coronas de Logu de su giudicadu de Arborea. Una fiat cudda riunia dae Ugone III pro aprovare s'alleàntzia proposta dae su duca de Anjou e s'àtera fiat fata dae Leonera de Arborea pro aprovare su tratadu de paghe cun su re de Aragona.
Custa ùrtima corona de Logu fiat una de sas de importu prus mannu e fiat istada cunvocada dae sa cantzelleria giudicale  e sa giuighissa depiat firmare su tratadu de paghe solu a pustis sas firmas de totus sos delegados de cada bidda, delegados chi si sunt atopados totus paris in Aristanis.
Ma tenimus testimonia chi a una corona de Logu cunvocada dae Leonera sos delegados fiant gasi medas chi non nche istaiant mancu in su refetòriu de sa crèsia de Santu Franchiscu e tra issos bi fiant puru sos pastores.