Tzeracos o serbidoria

Sa vida umile in sas biddas

In su sistema feudale de su 'servu' o tzeracu  su mere nde podiat fàghere su chi boliat, e custos 'servos' cada mese depiant fàghere unu tzertu servìtziu a contu de su mere o de sos meres.

Tzertos tzeracos o 'servos' o 'culivertos' depiant 16 dies a su mese de servìtziu si fiant 'integros', àteros imbetzes, a segunde de sa cunditzione issoro, nde depiant fàghere solu 8 si fiant a 'latu' o 4 si fiant a 'su pede'.
In su sistema feudale imbetzes su segnore, su mere disponiat finas de su corpus de su 'servu', lu podiat fustigare, torturare, ochìere o bèndere e nissuna lege li podiat fàghere nudda. In Sardigna imbetzes su culivertu podiat finas fàghere su majore de scolca o de villa, su chi importaiat fiat chi esseret donadu sas dies de servìtziu pro su mere comente fiat istabilidu dae sa cunditzione ispetzìfica sua. Pare chi custos culivertos aerent pòdiu èssere presentes finas a sa Corona de Logu. Si nono comente podiant tènnere deretu sos abitantes de sas biddas chi a sa corona mandaiant sos delegados issoro? E ischimus chi custos abitantes fint belle totus in sa cunditzione de 'servos' o culivertos.