S’amministratzione giudicale

Su casteddu de Seddori

S'amministratzione de sos giùdiches est tra sas prus simpres. Su giùdiche medas bortas s'ispostaiat in sas curadorias in ue presidiat sa Corona de giustìtzia, poniat sas tassas, semper acumpangiadu dae sos curadores de su logu, dae sos majorales e ufitziales e majores de villa e de scolca.

In custu modu, amministraiat su Logu, su Rennu, in modu simpre e ordinadu. E custa manera de amministrare su Logu fit esèmpiu e modellu ùnicu de bona amministratzione, de zustìssia e fiscu zustu.
Sa frigura de su cantzilleri fit de importu a su puntu chi Ugone II mutit custu 'sotziu nostru'; podiat difatis èssere binas unu zùdiche 'de fattu'; su cantzilleri fit tantu importante de esseret belle unu cumpanzu de triballu de su zùdiche, un'azudu mannu po issu.
A bortas però su cantzilleri fit un'iscritore, una pessone chi ischiat a iscrìere, un'òmine su prus de sas bortas de crèsia, prade o pride.
A bortas iscriiant suta ditadura o interpretaiant sas cartas bulladas de sa cantzelleria o sas iscrituras probadas, sos condaghes.
Duncas sa cantzelleria fit un'ufissiu de importu ; s'àteru fit s'ufissiu de s'Armentàriu de logu, chi controllaiat totu su patrimòniu fiscale de su Giudicadu e dae su cale dipendiant sos armentarios locales, su de su portu, chi arritiraiant su dàtziu de sos tràficos marìtimos, sos intròitos de sas pischerias; ma bi fint sos incarrigados de sos allevamentos de su bestiàmene, de sos buscos, de sas pasturas e àteros de importu prus minore.
In s'organizatzione finantziària b'est de ammentare su majore de Camara, chi fit su tesoreri de su Rennu e su majore de Bujakesos e fortzis su chi s'interessaiat de su bullatòriu, chi autenticaiat sas cartas cun su bullu de su giùdiche.