Sas Curadorias e sos Majores de Villa

Sas Curadorias

Cada Giudicadu fiat partidu in curadorias a sas cales faghiant capu unu tzertu nùmeru de villas, biddas. Non s'ischint sas làcanas pretzisas de sas curadorias e nemmancu cantas fiant in cada giudicadu.

A capu de sa curadoria bi fiat su curadore, de seguru unu majorale chi fiat suta su Giùdiche e s'interessaiat de guvernare s'amministratzione, sa giustìtzia e sa finàntzia. Dae su curadore dipendiant sos ufitziales, sos majores, chi faghiant servìtzios in sas biddas.
Totu sos tributos in natura o in òperas no andaiant a su patrimòniu personale de su curadore, ma a s'istadu, a benefìtziu de su Rennu.
In cada bidda, villa, bi fiat su majore de bidda chi teniat belle sas matessi funtziones de su curadore pro sa curadoria.
S'agatat a bortas puru su majore de Scolca, ma pacu s'ischit de custa càrriga e de sas funtziones suas ca non s'est iscobiadu cun pretzisione it'est sa Scolca.
A bortas custu majore de villa fiat a capu de unu corpus de politzia non meda diferente dae su de sas cumpangias de su barratzellu.