MÒDULOS TRASVERSALES - Pro nde ischire de prus

Cale efetos su feudalèsimu produit in sa Sardigna de custu perìodu

Sa gherra chi a pustis de una pàusa fiat acabada de su totu cun sa bìnchida de sa Batalla de Macumere  de su 1478 e sa fine de su marchesu de Aristanis, su chi abarraiat de su giudicadu de Arborea, aiat portadu conseguèntzias graves in Sardigna.

S'afirmatzione de su feudalèsimu in forma sistemàtica, aiat portadu a s'impossibilidade de costitutzione de una classe dirigente locale e a sa fratura costante tra tzitade e campagna sutamitia a sa prima; truncaiat a su tzetu mercantile de is tzitades sa possibilidade de si isvilupare, diminuiat sa mobilidade sotziale, sa dimanda e sa produtzione.
In Sardigna sa Corona fiat rapresentada dae unu visurrei, ma de custu momentu at a abarrare costante  sa rebellia antifeudale e sa cuntierra giurìdica in su tribunale de sa Reale Udièntzia. Funtzionaiant mancare cun medas cuntrastos is traballos de sos Parlamentos.