Nàschida e isvilupu de sa Reale Udièntzia

Casteddu de Seddori

Cun Filipu II torrat su controllu de sos feudatàrios in sa giustìtzia delegada.
Benit istituida in su 1564 sa Reale Udièntzia, cun funtzione de Corte de Apellu pro megiorare s'amministratzione de sa giustìtzia e pro assìstere su Visurrei cando beniat consultada.

Cun sa Reale Udièntzia in Sardigna puru si afirmaiat unu tzetu nou, cussu chi in àteras partes beniat definida de sos òmines de toga.
Est un'istrumentu pro superare sos particularidades de sos poderes ispetziales.
Custos funtzionàrios coltivaiant puru s'iscopu personale de si acurtziare a sa classe de sos nòbiles. Ma puru - comente tzetu privilegiadu - contribuiant a sos sèberos polìticos e amministrativos chi reguardaiant sa Sardigna.