Sa Sardigna e sos austrìacos

Sos artos muros de Casteddu.

Cun sa paghe de Utrecht de su 1713 e de Rastadt de su 1714 - chi signant sa fine 'acabu de sa Gherra de Sutzessione ispagnola - sa Sardigna passat dae sos ispagnolos a s'imperadore Càralu VI d'Asburgo e sos Savoja retzint sa Sitzìlia pro s'atzudu donadu.

Ma a pustis sete annos, pro s'interventu armadu de Filipu V - pro su consìgiu de su Cardinale Alberoni chi boliat nessi una bìnchida nova, ca s'Ispagna nche fiat istada bogada a foras dae totu s'Itàlia - perdet sa gherra e cun sa paghe de s'Àia e su tratadu de Londra de su 1720 sa Sitzìlia passat a sos Asburgos e sa Sardigna a sos Savoja.