|
MÒDULOS TRASVERSALES - Pro nde ischire de prus
|
MÒDULOS TRASVERSALES - Casteddu e sos cuartieris a fùrriu
Su cuartieri de Stampaxi
Suta sos bastiones de su Bàlie e de Santa Rughe s'estendet su cuarteri de Stampaxi chi, si bortat cara a otzidente, totu sighidu, si aunit a su cuarteri de sa Marina, in positzione tzentrale in antis de su Casteddu e sighit unende•si a sa cuarteri de Villanova a Est.
Sa crèsia de Santa Restituta
Sa crèsia s'incarat in sa pratzighedda de Santa Restituta, in un'àera cumpresa tra sa ruga omònima e sa ruga de Sant'Efis.
Sa cripta de Santa Restituta
In su cuarteri de Stampaxi s'agatat sa gruta dedicada a Santa Restituta, mama de Santu Eusèbiu, pìscamu de Vercelli, a sa cale si podet intrare dae parte de sa ruga de Sant'Efis.
Sa crèsia de Sant’Efis
Sa crèsia de Sant'Efis s'agatat posta in mesu de sas istradas astrintas in sa parte arta de su cuarteri de Stampaxi, in una pratzighedda cungiada in ue si a fatzant puru sos locales de s'Arci-cunfradia de su Gonfalone, chi si curat de su cultu de su Santu, unu militare a su tempus de s'imperadore Diocletzianu (243-313 d.C).
Sa cripta presone de Sant’Efis
In sa ruga Sant'Efis, in sa parte destra de sa crèsia, passende in una ghennita e abbassende•si in un'iscala iscavada in sa roca, s'intrat a sa cripta chi si pensat esseret sa presone de su Santu.
Sa Crèsia de Sant’Anna
Sa crèsia de Sant'Anna s'acarat in sa bia Azuni, in s'antigu cuarteri de Stampaxi, serente a sa crèsia de Sant'Efis, e in sa Pratza Yenne. Prima de custa crèsia bi nde fiat un'àtera fabbricada dae su 1263.
Sa Crèsia de Santu Micheli
In su cuarteri istòricu de Stampaxi, serente a sas ghennas de su Sperone e a s'atopu tra ruga Azuni e bia de s'Ispidale, s'agatat su cumplessu monumentale de Santu Micheli, costituidu dae sa crèsia e da un'ex cumbentu e sa Domo de su Novitziadu de sos Gesuitas.
Su cuartieri cara a mare, Sa Marina
Est su cuarteri de Casteddu cara a mare e in s'istòria sua at tentu unu grandu importu pro s'economia de sa tzitade, giai dae cando l'ant fundadu a su tempus de sos fenìtzios.
