Sa pòlis aristocràtica intrat in crisi

Sa pòlis aristocràtica intrat in crisi

Arribbat su momentu chi pro s'emigratzione sas colònias non sunt prus bastantes a risolvere sos problemas de sa crisi agrària. S'esageradu fratzionamentu de sos terrenos ispinghet a un'economia de sussistèntzia chi portat a trasformare unu muntone de òmines lìeros in ischi-avos pro dèpidos.

Su pòpulu cumentzat a dimandare s'abolitzione de sos dèpidos e sa partidura de sas terras.
Sos aristocràticos diminuiant su podere issoro a vantàgiu de àteras professiones chi fiant ligadas a su cummèrtziu cun s'esportatzione. Fiant mercantes, artesanos, marinajos.
S'introdutzione de sa  moneta e sa tzirculatzione de sos metallos favoriat una richesa chi si basaiat in s'usu de s'in-are chi rivolutzionat semper prus su modu de cumbatere, de gherrare. Dae sa cavalleria si passat a sa fanteria. Armare unu oplita costaiat meda prus pagu, e s'onore de difèndere sa tzitade fiat a sa portada de medas.