Roma e sa conchista a nord e a ovest

  • Stampa
Roma e sa conchista a nord e a ovest

Immoi Roma si tzirat contra a sos Gallos e a sos Lìgures e patzìficat s'Ispagna. A sa Sitzìlia e a sa Sardigna cun sa Còrsica, possedimentos consolidados, si agiunghent sa Gàllia Cis-alpina, sa penìsula ibèrica e sa Gàllia Narbonense.

Ma totus custas gherras portant non solu territòrios noos e richesas, ma puru su germe de sa crisi de sa sotziedade romana, su declinu de sa propiedade pitica e sa villa, "latifundu" ischia-vista. Custu su costu de sas trasformatziones. Sos massajos chircant impiegu in s'esèrtzitu, sas aziendas piticas benint surbidas in sos "latifundos" numenados "ville" tentas cun s'òpera ischia-vile. Si distinghet sa classe de sos cavalleris, "equites" chi s'impignant in sas atividades cummertziales e diveniant imprendidores. Sas rispostas a custa situatzione sunt istadas sas riformas agràrias de Tibèriu e Caiu Gracu e sa cuntzessione de tzitadinàntzia romana a sos Itàlicos.