Sa die de sos aristocràticos

Sa die de sos aristocràticos

Is torneos, sos cunvitos e sa catza cun su farcone...

Is torneos

Fiant ispetàculos militares chi si teniant in intro sos muros de su casteddu in s'islargu fatza a su "mastiu", tra cavalieris nòbiles chi si isfidant cun sa simulatzione de sa gherra, pro fàghere bìere s'abilidade, sa lestresa e su coràgiu cavalleritzu e de s'allenamentu de sas trupas. Sas armaduras ischintiddaiant e sonaiant sa mùsica de sa gherra, cumpletadas de lantzas e ispadas.
Sos costùmenes ricos de tessutos pretziosos, sos caddos maestosos e infogados animaiant s'iscontru. Sas damas assistiant supra su palcu protetas dae unu baldachinu.

Sos  cunvitos

Fiant modos pro s'in tratènnere, mescamente a su sero o pro festas importantes, cando su feudatàriu invitaiat àteros feudatàrios a domo sua. In custas ocasiones su mere de domo acolliat in unu grandu salone sos cummensales, dispostos in sas mesas, in ue los faghiat manigare cun pitantzas de pische, de càssia, petza, binu, casu, legùmenes e durches. A pustis su pràngiu fiat su momentu de s'ispassiare cun sos dados, sas cartas, sos iscacos. Ma si dantzaiat puru e si ascurtaiant sos trubadores e sos ispetàculos fiant animados dae giuilares e gioghilleris.

A catza cun su farcone

A parte sa catza usuale, sa de chervos, sirbones, pitzones, fiat meda coltivada sa catza cun su farcone, chi postu supra su bratzu bestidu de unu guante ispissu, mentres su segnore si moviat a caddu, s'alarpe si pesaiat a bolu persighende sa preda, la ghemiat e la portaiat a su mere. Tante fiat apretziada custa càssia in su Mediuevu, chi s'Imperadore Federicu II de Svevia, chi la praticaiat cun passione in sas Mùrgias, aiat iscritu unu tratadu in vàrios libros, cunsideradu unu capolavoru de sa literadura.