Creta, sa Lìdia, s’Etrùria e sa Sardigna

Sa tauromachia a Cnosso

S'adoratzione de su deus Sole est rapresentada dae su Trau. In Sardigna si collegant a su cultu de su Sole sas màscheras de Otzana, màscheras de Boes, de trau. Sos sardos connoschiant puru s'istòria de su Minotàuru de Creta e lu dimustrat unu brunzetu nuràgicu de Nule chi pintat unu trau cun sa conca de òmine.

In gènere su Minotàuru benit presentadu comente un'òmine cun sa conca de trau e, ma de mancu, unu trau cun sa conca de òmine.
Supra custa chistione de s'òmine chi divenit boe nde chistionat meda s'istudiosu Nellino Marchi de Nùgoro, chi at istudiadu su boe mùrinu, chi beniat presentadu comente una persone s'ànima de sa cale si nch'intraiat in unu boe e annuntziaiat disgràtzias.