|
MÒDULOS TRASVERSALES - Pro nde ischire de prus
|
MÒDULOS TRASVERSALES - Polìtica e Diritu (Istòria Moderna)
S'edade de sas rivolutziones e su primìtziu de s'edade cuntemporànea (1770-1815)
Su perìodu istòricu cumprèndidu tra sa fini de su XVIII sèculu e sos primos deghe annos e su XIX (1770/1815), signat - comente narant su prus de sos istòricos - su primìtziu de s'edade cuntemporànea, chi at a cambiare s'istòria de s'Europa e de sas Amèricas.
Sa Rivolutzione americana
Sa Rivolutzione americana (tra su 1776 e su 1787) cointzidet cun sa luta de liberatzione de sas colònias inglesas de Amèrica contras sa "madrepàtria", s'Inghilterra, a pustis una complicada gherra internatzionale.
Sa Rivolutzione frantzesa
Pagu a pustis sa Rivolutzione americana si isbòligat in su territòriu europeu sa Rivolutzione frantzesa (1789/1796), suta s'ispinta de sa cultura de rinnovamentu illuminista. Luego at a divenire unu modellu de rivolutzione de copiare, pro èssere istada s'istrumentu de s'abbatimentu de unu regime betzu a s'iscopu de nde fàghere unu nou.
S’esportatzione de sa Rivolutzione foras de sa Frantza e Napoleone
Sa Rivolutzione frantzesa aiat allutu finas foras de sa Frantza un'istraordinària mobilitatzione polìtica trasinende élites e massas, tzitades e campagnas e multiplichende s'entusiasmu, timores, dibatos e ligàmenes fortes siat ideològicos, siat culturales.
